KARANGASEM, BALINEWS.ID – Foto dan video pemangku Pura Agung Besakih naik ke pelinggih Padma Tiga di Penataran menuai pro dan kontra. Menjawab berbagai komentar masyarakat, Ketua Panitia Ida Batara Turun Kabeh, Jro Mangku Widiartha angkat bicara.
Melalui surat berkop Pura Agung Besakih, panitia memberikan klarifikasi: Titiang Bendesa Adat Besakih pinaka Prawartaka Tawur Tabuh Gentuh lan Karya Ida Bhatara Turun Kabeh ring Pura Agung Besakih Warsa 2025, ngaturang pangampura parindikan viralnya unggahan ring Media Sosial indik ngamargiang sinalih tunggil manut Dudonan Tawur Tabuh Gentuh lan Karya Ida Bhatara Turun Kabeh ring Pura Agung Besakih Warsa 2025 rahina Anggara Pon Warigadian, pinanggal masehi 1 April 2025, inggian Masang Busana lan Ngiyas Palinggih.
Ring galah punika, naler kapasang wastra lan pangiyasan ring Padma Tiga Pura Penataran Agung Besakih sane kaunggah ring Media Sosial. Manut daging Purana kabaosang “hila-hila ulundang ing Basukir, wenang tan Kawenangang Wrug Ikang Bhuwana Kabeh” (artinya: bahwa Desa Adat Besakih merupakan Hulu/Puncak yang sangat Suci, Dimana sesuatu yang boleh dan tidak boleh di Desa Adat Besakih diatur secara Khusus, dan berlaku Khusus di Desa Adat Besakih, jika dilanggar akan mengakibatkan kehancuran yang ber-Skala massif baik Bhuwana Alit dan Bhuwana Agung), lan manut Awig-Awig Desa Adat Besakih Pawos 26 ayat (4) huruf Ce munggah : “Tiyosan ring Panglingsir utawi Pemangku tan Kapatutang Munggah Tedun ring Palinggih-Palinggih sane sampun kasinanggeh Suci”.
Madasar antuk Awig-Awig punika, sane kabaosang Panglingsir utawi Pemangku wantah Dane sane sampun kasudi, keadegang, lan kaupesaksi pinaka Pemangku/Panglingsir Pura Agung Besakih, sane ngamong ring soang-soang Pura manut amongan Dane.
Pangiyasan ring Padma Tiga Pura Penataran Agung Besakih kalaksanayang olih Pemangku Pura Agung Besakih, kadi sane kaunggah ring Media Sosial, nanging napi sane dados Berita Viral nenten sami patut, seantukan sadurung Pangiyasan utawi Pemasangan Wastra kadulurin antuk upacara matur piuning lan ngingsirang Ida Bhatara jagi Ngiyas lan Masang Busana, tiosan punika taler kaunggahang Orti lan Ungkulan ring Pucak Padma Tiga. Sesampun puput kamargiang upacara Pamrayascitta pinaka Panyucian Palinggih lan Ngewaliang Ida Bhatara mewali Malinggih.
Majalaran punika, titiang Prawartaka Karya Tawur Tabuh Gentuh lan Karya Ida Bhatara Turun Kabeh warsa 2025 ring Pura Agung Besakih. Banget nglungsur majeng ring Umat se-Dharma mangda lebih bijak ritatkala ngunggahang/upload orti, video, foto sane durung pastika kauningin inggian kasujatian tata-titi lan anggah-ungguh pamargi manut Dresta, Purana, lan Awig-Awig Desa Adat Besakih.
Ngiring sareng-sareng ngrastiti mangda pemargi Tawur Tabuh Gentuh lan Karya Ida Bhatara Turun Kabeh Warsa 2025 ring Pura Agung Besakih sida memargi antar, labda karya sida sidaning dhon Sekala-Niskala. (bip)
